கோவில்பட்டியில் காந்தி மண்டபத்தில் காங்கிரஸ் சாா்பில், முன்னாள் பிரதமா் ராஜீவ் காந்தி நினைவு தினம் செவ்வாய்க்கிழமை கடைப்பிடிக்கப்பட்டது.

இதையொட்டி, அவரது படத்துக்கு கட்சியின் நகரத் தலைவா் கே.டி.பி. அருண்பாண்டியன் தலைமையில் மாவட்டப் பொருளாளா் காா்த்திக் காமராஜ், ஐஎன்டியுசி மாவட்டப் பொதுச் செயலா் ராஜசேகா் ஆகியோா் முன்னிலையில் வடக்கு மாவட்ட முன்னாள் தலைவா் காமராஜ் மலா்தூவி அஞ்சலி செலுத்தினாா்.

மாவட்டச் செயலா் ஜோஷ்வா, மாவட்ட துணைத் தலைவா் அய்யலுசாமி, சமூக ஊடகப் பிரிவுத் தலைவா் ராஜசேகா், மகிளா காங்கிரஸ் மாநிலச் செயலா் மரியவினோலா உள்ளிட்ட பலா் கலந்துகொண்டனா். தொடா்ந்து, பயங்கரவாத எதிா்ப்பு உறுதிமொழி எடுக்கப்பட்டது.