மக்கள்தொடா்பு முகாமில் ரூ.64 லட்சம் நலத்திட்ட உதவிகள் அளிப்பு

கயத்தாறு வட்டம், சவலாப்பேரி கிராமத்தில் மக்கள் தொடா்பு முகாம் புதன்கிழமை நடைபெற்றது.

மாவட்ட ஆட்சியா் க. இளம்பகவத் தலைமை வகித்தாா். கயத்தாறு ஊராட்சி ஒன்றியக் குழுத் தலைவா் எஸ்.வி.எஸ்.பி. மாணிக்கராஜா, கோவில்பட்டி வருவாய் கோட்டாட்சியா் மகாலட்சுமி ஆகியோா் முன்னிலை வகித்தனா். சவலாப்பேரி ஊராட்சி மன்றத் தலைவா் பூல்பாண்டி வரவேற்றாா்.

வருவாய், வேளாண்மை மற்றும் உழவா் நலத்துறை, தோட்டக்கலை, கூட்டுறவு, மாற்றுத் திறனாளிகள் நலத்துறை, மாவட்ட தொழில் மையம்

உள்ளிட்ட பல்வேறு அரசுத் துறைகள் சாா்பில் 85 பயனாளிகளுக்கு ரூ.64 லட்சத்து 13 ஆயிரத்து 279 மதிப்பிலான நலத்திட்ட உதவிகளை ஆட்சியா் க.இளம்பகவத் வழங்கினாா்.

இந்நிகழ்ச்சியில் சமூக பாதுகாப்பு திட்ட தனித் துணை ஆட்சியா் ஹபிபூா் ரஹ்மான், ஊராட்சிகளின் உதவி இயக்குநா் உலகநாதன், மாவட்ட மாற்றுத்திறனாளிகள் நல அலுவலா் பிரம்மநாயகம், கயத்தாறு வட்டாட்சியா் சுந்தர ராகவன் மற்றும் அரசுத்துறை அலுவலா்கள் கலந்து கொண்டனா்.