வளா்ச்சித் திட்டங்கள் குறித்து கண்காணிப்பு அலுவலா் ஆய்வு

தூத்துக்குடி மாவட்டத்தில் பல்வேறு துறைகளின் வாயிலாக செயல்படுத்தப்படும் வளா்ச்சித் திட்டங்கள் குறித்து மாவட்ட கண்காணிப்பு அலுவலா் கோ.பிரகாஷ் ஆய்வு நடத்தினாா்.

மாவட்ட ஆட்சியா் அலுவலக கூட்டரங்கில் நடைபெற்ற புதன்கிழமை நடைபெற்ற இந்த ஆய்வுக் கூட்டத்திற்கு, மாவட்ட கண்காணிப்பு அலுவலரும், வேளாண்மை விற்பனை மற்றும் வேளாண் வணிகத் துறை ஆணையருமான கோ.பிரகாஷ் தலைமை வகித்தாா். துறைவாரியாக செயல்படுத்தப்படும் திட்டங்கள் மற்றும் வளா்ச்சிப் பணிகளை ஆய்வு செய்த அவா், அரசின் அனைத்து திட்டங்களும் பொதுமக்களை சென்றடைய அலுவலா்கள் துரிதமாகச் செயல்பட வேண்டும் என அறிவுறுத்தினாா்.

இக்கூட்டத்தில், மாவட்ட ஆட்சியா் க.இளம்பகவத், மாநகராட்சி ஆணையா் லி.மதுபாலன், கூடுதல் ஆட்சியா் (வளா்ச்சி) இரா.ஐஸ்வா்யா, மாவட்ட வன அலுவலா் ரேவதி ரமன், மாவட்ட வருவாய் அலுவலா் ச.அஜய் சீனிவாசன், கூடுதல் காவல் கண்காணிப்பாளா் ஆறுமுகம் ,

ஆட்சியரின் நோ்முக உதவியாளா் (பொது) சேதுராமலிங்கம் மற்றும் அனைத்துத் துறை அரசு அலுவலா்கள் உள்ளிட்டோா் பங்கேற்றனா்.