திருச்செந்தூரிலிருந்து 5 மகளிா் விடியல் பயண பேருந்துகள் சேவையை மீன் வளம், மீனவா் நலன்- கால்நடை பராமரிப்புத் துறை அமைச்சா் அனிதா ஆா்.ராதாகிருஷ்ணன் கொடியசைத்து தொடங்கி வைத்தாா்.

திருச்செந்தூரில் இருந்து தாண்டவன்காடு, நாசரேத், செபத்தையாபுரம் ஆகிய வழித்தடங்களுக்கும், திருநெல்வேலி சந்திப்பு - ஆழ்வாா்கற்குளம், சாத்தான்குளம் - ஸ்ரீவைகுண்டம் ஆகிய 5 வழித்தடங்களுக்கு பேருந்து சேவை தொடங்கியது.

இவ் விழாவுக்கு, மாவட்ட ஆட்சியா் க.இளம்பகவத் தலைமை வகித்தாா். திருச்செந்தூா் கோட்டாட்சியா் கௌதம், வட்டாட்சியா் தங்கமாரி, டிஎஸ்பி மகேஷ்குமாா், அரசுப்போக்குவரத்து கழக பொதுமேலாளா் ராமகிருஷ்ணன், துணை மேலாளா் சண்முகம், கிளை மேலாளா்கள் திருச்செந்தூா் ராஜசேகா், ஸ்ரீவைகுண்டம் ஜெகநாதன் ஆகியோா் முன்னிலை வகித்தனா். புதிய பேருந்துகள் சேவையை அமைச்சா் தொடங்கிவைத்து மக்களுக்கு இனிப்பு வழங்கினாா்.

இந்நிகழ்ச்சியில் திருச்செந்தூா் வட்டார வளா்ச்சி அலுவலா் வாவாஜி பக்கீா் முகைதீன், திருச்செந்தூா் நகா்மன்றத் தலைவா் சிவஆனந்தி, துணைத் தலைவா் செங்குழி ரமேஷ், திமுக மாவட்ட அமைப்பாளா்கள் இளைஞரணி அமைப்பாளா் ராமஜெயம், விளையாட்டு மேம்பாட்டு அணி ஜனகா் உள்ளிட்ட பலா் கலந்து கொண்டனா்.