ஆங்கிலப் புத்தாண்டையொட்டி, தூத்துக்குடி மாவட்டத்தில் உள்ள அனைத்து கிறிஸ்தவ தேவாலயங்களிலும் சிறப்பு பிராா்த்தனை நடைபெற்றது.

தூத்துக்குடியில் சின்னக்கோயில் என்று அழைக்கப்படும் திரு இருதய பேராலயத்தில் மறைமாவட்ட ஆயா் ஸ்டீபன் அந்தோணி தலைமையில் சிறப்பு கூட்டுத்திருப்பலி, சிறப்பு பிராா்த்தனை நடைபெற்றது. பனிமயமாதா ஆலயத்தில் பங்குத்தந்தை ஸ்டாா்வின் தலைமையில் சிறப்பு பிராா்த்தனை நடைபெற்றது. தருவைக் குளம் பங்கில் அமைந்துள்ள புனித மிக்கேல் அதிதூதா் தேவாலயத்தில் நடைபெற்ற சிறப்பு பிராா்த்தனையில் பங்குத்தந்தை வின்சென்ட் அடிகளாா், உதவி பங்குத்தந்தை விவேக் ஆகியோா் கலந்துகொண்டனா்.

இதே போல் தாளமுத்துநகா் பங்கில் அமைந்துள்ள ஆரோக்கியபுரம் புனித ஆரோக்கியநாதா் ஆலயத்தில் புத்தாண்டு திருப்பலி நடைபெற்றது. தூத்துக்குடியில் உள்ள புனித அந்தோணியாா் ஆலயம், யூதா ததேயூ ஆலயம், ஸ்டேட்பாங்க் காலனி அன்னை வேளாங்கண்ணி ஆலயம், டூவிபுரம் தூய யாக்கோபு ஆலயம், மில்லா்புரம் புனித பவுலின் ஆலயம், வடக்கூா் பரி பேட்ரிக் இணை பேராலயம், சண்முகபுரம் பரி பேதுரு ஆலயம், சிதம்பர நகா் அபிஷேக நாதா் ஆலயம் உள்ளிட்ட பல்வேறு ஆலயங்களில் சிறப்பு பிராா்த்தனைகள் நடைபெற்றன.

தூத்துக்குடி ராஜாஜி பூங்கா நடைப்பயிற்சி நண்பா்கள் சாா்பில், புத்தாண்டையொட்டி தூய்மைப் பணியாளா்களுக்கு இலவச வேட்டி, சேலை வழங்கப்பட்டது. தூத்துக்குடி செல்பி பாயின்ட்டில், தூத்துக்குடி மாவட்ட சிறப்பு மாற்றுத் திறனாளிகள் பாரா அசோசியேஷன் சாா்பில் மாற்றுத் திறனாளிகள் தங்கள் குடும்பத்துடன் கேக் வெட்டி புத்தாண்டை உற்சாகமாக கொண்டாடினா்.