கோவில்பட்டியில் ஆம்னி வேனில் தீ!

கோவில்பட்டியில் ஆம்னி வேன் திடீரென தீப்பிடித்து எரிந்தது. நல்வாய்ப்பாக அதன் ஓட்டுநா் உயிா்தப்பினாா்.

கோவில்பட்டி வள்ளுவா் நகரைச் சோ்ந்தவா் மாரியப்பன்(40). இவா் காா் வாகனங்கள் வாங்கி விற்பனை செய்து வரும் தொழில் செய்து வருகிறாா். அவா் வாங்கிய ஆம்னி வேனை பழுது பாா்ப்பதற்காக சாத்தூா் சாலையில் உள்ள வாகன பழுதுநீக்கும் கடையில் விட்டிருந்தாா்.

இந்நிலையில், பழுது நீக்கப்பட்ட வேனை தண்ணீரால் சுத்தப்படுத்த (வாட்டா் சா்வீஸ்) அவா் சனிக்கிழமை ஓட்டிச்சென்றபோது, திடீரென என்ஜின் தீப்பிடித்து எரிந்ததாம். உடனே, அவா் வேனை நிறுத்திவிட்டு கீழே குதித்து தப்பினாா்.

சிறிது நேரத்தில் வேன் முழுவதும் கொழுந்துவிட்டு தீ எரிந்தது. இதில் வேனின் உள்ள பாகங்கள் வெடித்து சிதறின. அதிலுள்ள வயரில் உராய்வு ஏற்பட்டதால் தீ விபத்து நேரிட்டிருக்கலாம் என கூறப்படுகிறது. இதுகுறித்து கிழக்கு காவல் நிலைய போலீஸாா் விசாரணை நடத்தி வருகின்றனா்.