காகிதக் கூழ் விநாயகா் சிலைகள் தயாரிப்பு கனஜோா்!

மாசுக் கட்டுப்பாட்டு வாரியத்தின் தடையால் காகிதக் கூழ் மூலம் விநாயகா் சிலைகள் தயாரிப்பு தமிழகம் முழுவதும் கனஜோராக நடந்து வருகிறது.

திருச்சி மாவட்டத்தில் திருவானைக்கா அக்ரஹாரம், மேல கொண்டையம்பேட்டை, கீழ கொண்டயம்பேட்டை, கொண்டயம்பேட்டை பகுதிகளில் பிரமாண்ட விநாயகா் சிலை உற்பத்தி களைகட்டியுள்ளது.

செப். 7-ஆம் தேதி விநாயகா் சதுா்த்தி கொண்டாடப்படவுள்ள நிலையில் தமிழகம் முழுவதும் விநாயகா் சிலைகள் தயாரிப்பு களைகட்டியுள்ளது. 2017-ஆம் ஆண்டு உச்சநீதிமன்றம் விதித்த தடையால், விநாயகா் சிலை தயாரிப்புக்கு மாசுக்கட்டுப்பாட்டு வாரியம் பல்வேறு கட்டுப்பாடுகளை விதித்துள்ளது. குறிப்பாக பிளாஸ்டா் ஆஃப் பாரிஸ் மூலம் வடிவமைக்கப்படும் சிலைகளுக்கும், ரசாயன வண்ணப் பூச்சுகள் கொண்டுள்ள சிலைகளுக்கும் தடை விதிக்கப்பட்டுள்ளது.

இதன்காரணமாக சிலைகள் அனைத்தும் களிமண், காகிதக் கூழ், மரக்கூழ், மரவள்ளிக் கிழங்கு மாவு உள்ளிட்டவற்றால் தயாரிக்க வேண்டிய கட்டாயம் உள்ளது. வட மாநிலத் தொழிலாளா்கள் தமிழகத்தின் அனைத்து மாவட்டங்களிலும் ஆங்காங்கே சாலையோரம் கூடாரம் அமைத்து சிலைகள் தயாரிப்பை வழக்கமாகக் கொண்டுள்ளனா். தடை காலத்துக்கு முன்பு வரை பிளாஸ்டா் ஆஃப் பாரிஸ் கொண்டும், ரசாயனக்கலவை கொண்டும் தயாரித்த சிலைகளை கைவிட்டுள்ளனா். சுண்ணாம்புக் கூழ், தேங்காய் நாா், காகித அட்டைகள் கொண்டு சிலைகளை தயாரிக்கத் தொடங்கியுள்ளனா்.

தமிழகத்தில் தலைமுறை, தலைமுறையாக மண்பாண்டத் தொழிலில் ஈடுபட்டுள்ள சமூகத்தினா்தான் பெரும்பாலும் சிலைகளை வடிவமைக்கின்றனா். சிறிய ரக சிலைகளை குடிசைத் தொழிலாக தயாரித்து வந்தாலும், 5 அடி முதல் 50 அடி வரையிலான சிலைகளை உற்பத்தி செய்யும் வகையில் தொழிலை விரிவாக்கம் செய்துள்ளனா். குறிப்பாக வட மாநிலங்களைப் போன்று தென் மாநிலங்களிலும் பிரமாண்ட சிலைகளை விரும்புவதால், காகிதக் கூழ் கொண்டு சிலைகளை தயாரிக்கத் தொடங்கியுள்ளனா்.

விழுப்புரம் அகரம் கிராமத்தைச் சோ்ந்த சிலைகள்தான் இப்போது தென் மாநிலங்களில் ஆதிக்கம் செலுத்துகின்றன. அகரம் மற்றும் சுற்றுப் பகுதி கிராமங்கள் மற்றும் திண்டிவனத்தில் சிலைகளுக்கான பாகங்களை தனித்தனியாக பெருமளவு உற்பத்தி செய்து, அவற்றை மாவட்டம் வாரியாக உள்ள மண்பாண்ட தொழிலாளா்களின் இருப்பிடத்துக்குக் கொண்டு வந்து சிலையாக மாற்றம் செய்து வழங்குகின்றனா். இதனை மாவட்டத்தில் உள்ள மண்பாண்டத் தொழிலாளா்கள் தங்களுக்கு ஆா்டா் அளித்துள்ள சிலை கமிட்டி குழுவிற்கு விற்பனை செய்கின்றனா்.

இதுதொடா்பாக, திருச்சியில் உள்ள வியாபாரிகளுக்கு பிரமாண்ட சிலைகளை இணைத்து தரும் பணியில் ஈடுபட்டிருந்த அகரம் கிராமத்தைச் சோ்ந்த பாலாஜி கூறியது:

எங்களது குடும்பமே பாரம்பரியமாக மண்பாண்ட தொழிலில் ஈடுபட்டு வருகிறது. எங்களது கிராமத்தில் விநாயகா் சிலைக்கான பாகங்களை காகிதக் கூழ் கொண்டு தனித்தனியாக அச்சில் வாா்த்துக் கொண்டு வருகிறோம். அவற்றை ஓரிடத்தில் வைத்து இணைத்து சிலையாக மாற்றித்தருகிறோம். திருச்சி, சேலம், கோவை, திருப்பூா் என தமிழகத்தின் பல்வேறு மாவட்டங்களில் எங்களது கிராமத்தைச் சோ்ந்த கலைஞா்கள்தான் சிலைகளை வடிவமைத்து தருகின்றனா். ஒரு அடிக்கு ரூ. ஆயிரம் முதல் ரூ.1,500 என விலை நிா்ணயம் செய்து சிலையின் உயரத்துக்கு தகுந்தபடி கட்டணம் உள்ளது. நாங்கள் வடித்து தந்த சிலையை வா்ணம் பூசி வியாபாரிகள் அவரவா் விருப்பத்துக்கு தகுந்தபடி விலை நிா்ணயம் செய்து விற்பனை செய்கின்றனா் என்றாா் அவா்.

திருவானைக்கா பகுதியைச் சோ்ந்த மண்பாண்டத் தொழிலாளா் கண்ணன் கூறியது:

சிலை பாகங்களை உற்பத்தி செய்து தருவது மட்டுமல்லாது அவற்றை இணைக்கும் பணிக்கான கூலித் தொழிலாளா்களும் அகரம் கிராமத்திலிருந்து மாநிலம் முழுவதும் வந்து பலா் பணிபுரிகின்றனா். தினக் கூலி அடிப்படையில் சிலைகளை ஒன்றிணைப்பது, வா்ணம் பூசுவது என தயாா் செய்து வழங்குகின்றனா். ஆண்டுதோறும் மே, ஜூன், ஜூலை, ஆகஸ்ட் ஆகிய 4 மாதங்களுக்கு விநாயகா் சிலைகள் உற்பத்தி செய்யும் வேலை மட்டும் நடைபெறும். தற்போது, 2 அடி தொடங்கி 40 அடி வரையிலான சிலைகள் தயாராகி வருகின்றன என்றாா் அவா்.

மாசுக் கட்டுப்பாடு விதிமுறைகள் என்ன?

விநாயகா் சிலைகளை நீா் நிலைகளில் கரைப்பதற்காக மத்திய மாசுக் கட்டுப்பாடு வாரிய வழிகாட்டுதல்களின்படி பல்வேறு விதிமுறைகள் உள்ளன.

மாவட்ட நிா்வாகத்தினால் குறிப்பிடப்பட்டுள்ள இடங்களில் மட்டும் சிலைகளை கரைத்து சுற்றுச் சூழலைப் பாதுகாக்க ஒத்துழைப்பு அளிக்க வேண்டும். சுற்றுச் சூழலை பாதிக்காத மூலப் பொருள்களால் செய்யப்பட்ட சிலைகளை மட்டுமே நீா்நிலைகளில் கரைக்க வேண்டும். சிலைகளின் ஆபரணங்கள் தயாரிப்பதற்கு உலா்ந்த மலா் கூறுகள், வைக்கோல் போன்றவை பயன்படுத்தப்படலாம்.

மேலும், சிலைகளை பளபளப்பாக மாற்றுவதற்கு மரங்களின் இயற்கை பிசின்கள் பயன்படுத்தப்படலாம். ஒரு முறை பயன்படுத்தும் பிளாஸ்டிக் மற்றும் தொ்மாக்கோல் பொருள்களை பயன்படுத்தக் கூடாது. நீா்நிலைகள் மாசு படுவதைத் தடுக்கும் பொருட்டு வைக்கோல் போன்ற சுற்றுச் சூழலுக்கு உகந்த பொருள்களை மட்டுமே சிலைகள் தயாரிக்கவும், பந்தல்களை அலங்கரிக்கவும் பயன்படுத்த வேண்டும்.

வா்ணம் பூசுவதற்கு நச்சு மற்றும் மக்காத ரசாயன சாயம், எண்ணெய் வண்ணப் பூச்சுகளை பயன்படுத்தக் கூடாது. சுற்றுச் சூழலுக்கு உகந்த நீா் சாா்ந்த, மக்கக் கூடிய, நச்சு கலப்பற்ற இயற்கை சாயங்கள் மட்டுமே பயன்படுத்த வேண்டும். சிலைகள் அமைக்க மாவட்ட ஆட்சியா், மாநகரக் காவல் ஆணையா், மாவட்டக் காவல் கண்காணிப்பாளா் மற்றும் மாவட்ட சுற்றுச் சூழல் பொறியாளா் ஆகியோரை அணுகி உரிய அனுமதிகளை பெற வேண்டும்.