அரியலூரில் இந்திராகாந்தி பிறந்த நாள்

மறைந்த முன்னாள் பிரதமா் இந்திராகாந்தியின் 106- ஆவது பிறந்த நாளை முன்னிட்டு, அரியலூரிலுள்ள காங்கிரஸ் கட்சி அலுவலகத்தில் வைக்கப்பட்டிருந்த அவரது உருவப்படத்துக்கு கட்சியின் நகரத் தலைவா் எஸ்.எம்.சந்திரசேகா் வெள்ளிக்கிழமை மாலை அணிவித்து மரியாதை செலுத்தினாா்.

தொடா்ந்து கட்சியின் மாநிலச் செயற்குழு உறுப்பினா் மா.மு.சிவக்குமாா், மாவட்டச் செயலா் செந்தில், வட்டாரத் தலைவா் டி.சீனிவாசன் தொழிற்சங்கச் செயலா் ராஜா, நகரத் துணைத் தலைவா் செந்தில்வேல் உள்ளிட்ட நிா்வாகிகள் படத்துக்கு மாலை அணிவித்து மரியாதை செலுத்தினா். தொடா்ந்து அனைவருக்கும் இனிப்புகள் வழங்கப்பட்டன.