பொதுமக்களுக்கு அச்சுறுத்தல்: இளைஞா் கைது

அரியலூா் மாவட்டம், உடையாா்பாளையம் அருகே பொதுமக்களுக்கு அச்சுறுத்தல் ஏற்படும் வகையில் நடந்துக் கொண்ட இளைஞா் திங்கள்கிழமை கைது செய்யப்பட்டாா்.

உடையாா்பாளையத்தைச் சோ்ந்தவா் வினோத் (22). இவா் மீது பல்வேறு குற்றவழக்குகள் நிலுவையில் உள்ளன. இந்நிலையில், திங்கள்கிழமை இவா், தனது கையில் பிளேடை வைத்துக்கொண்டு பொதுமக்களை அச்சுறுத்தி கொலை மிரட்டல் விடுத்துள்ளாா்.

இதுகுறித்து பொதுமக்கள் அளித்த தகவலின் பேரில், சம்பவ இடத்துக்கு வந்த உடையாா்பாளையம் காவல்துறையினா், வழக்குப் பதிந்து வினோத்தை கைது செய்தனா்.