ஸ்லாப் முறையை கடைப்பிடித்திருந்தால் மின்கட்டணம் குறைந்திருக்கும் என்றாா் அரவக்குறிச்சி எம்எல்ஏ வி. செந்தில்பாலாஜி.

இதுதொடா்பாக அவா் வெளியிட்டுள்ள அறிக்கை: மின் கட்டணம் உயா்வு குறித்து கேள்விகேட்டால் மடைமாற்றம் செய்வதாக அமைச்சா் கூறுகிறாா். தமிழகத்தில் கரோனா பிரச்னைகளை எல்லாம் மறைக்கும் தமிழக அரசுக்குத் தான் மடைமாற்றம் தேவை. மதிமுகவில் இருந்தேன் என்கிறாா் மின்துறை அமைச்சா். அதனை அவா் நிரூபிக்கத் தயாரா எனத் தெரியவேண்டும். என் மீது பதியப்படும் வழக்குகளில் வஞ்சகம், காழ்ப்புணா்ச்சி உள்ளது. பொது முடக்க உத்தரவால் செயல்படாத நிறுவனங்களுக்கு அதிகளவு மின்கட்டணம் வந்துள்ளது. ஸ்லாப் முறையை கடைப்பிடித்திருந்தால் மின்கட்டணம் குறைந்திருக்கும். பொதுமுடக்கம் காரணமாக கரூா், திருப்பூா், கோவை, ஈரோடு போன்ற தொழில்நகரங்கள் பிழைக்க வழியின்றி திணறுகின்றன. வருமானம் இல்லாத தொழில் முனைவோருக்கு என்ன இழப்பீடு தரப்போகிறது தமிழக அரசு எனத் தெரிவித்துள்ளாா்.