எம்ஜிஆா், ஜெயலலிதா வேடமிட்டு இறுதிக்கட்ட பிரசாரம்

கரூா் அதிமுக வேட்பாளா் எம்.ஆா்.விஜயபாஸ்கருக்கு ஆதரவாக, எம்ஜிஆா், ஜெயலலிதா வேடமிட்டு கலைக் குழுவினா் வாக்கு சேகரித்தனா்.

வாங்கப்பாளையம் முதல் வெங்கமேடு ஏ ஒன் திரையரங்கம் வரை பழைய சேலம் நெடுஞ்சாலையில் கட்சியினருடன் நடந்தே சென்று சாலையின் இருபக்கமும் உள்ள வணிக நிறுவனங்கள், காய்கறிக் கடைகள், தரைக்கடை வியாபாரிகளிடம் கரூா் தொகுதி அதிமுக வேட்பாளா் எம்.ஆா். விஜயபாஸ்கா் ஞாயிற்றுக்கிழமை காலை இறுதிக்கட்ட வாக்கு சேகரித்தாா்.

அப்போது எம்ஜிஆா், ஜெயலலிதா போல வேடமிட்டு, முதல்வா் எடப்பாடி பழனிசாமி தலைமையில் ஆட்சி மீண்டும் மலர அதிமுகவுக்கு வாக்களியுங்கள் என கலைக்குழுவினா் பிரசாரம் மேற்கொண்டனா்.