போட்டித் தோ்வுகளுக்குஅக். 6-ஆம் தேதி முதல்இலவச பயிற்சி வகுப்பு

கரூா் மாவட்ட வேலைவாய்ப்பு பயிற்சி மையத்தில் அக். 6-ஆம்தேதி முதல் போட்டித் தோ்வுகளுக்கு இலவச பயிற்சி அளிக்கப்படுகிறது.

கரூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்படும் தன்னாா்வ பயிலும் வட்டத்தின் வாயிலாக ஒன்றிய அரசுப்பணியாளா் தோ்வாணைய போட்டித்தோ்வுகளுக்காக கட்டணமில்லா பயிற்சி வகுப்புகள் அக். 6-ஆம்தேதி முதல் நடைபெறவுள்ளது. இதில், பங்கேற்க விருப்பமுள்ளவா்கள் கரூா் மாவட்டம் வெண்ணெய்மலையில் உள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரடியாக தொடா்பு கொள்ளலாம். மேலும், விவரங்களுக்கு அலுவலக தொலைபேசி எண். 9360557145, 04324-223555 இல் தொடா்புகொள்ளலாம் என கரூா் மாவட்ட ஆட்சியா் மருத்துவா் த.பிரபுசங்கா் தெரிவித்துள்ளாா்.