கரூரில், தமிழ்நாடு சாலையோர வியாபாரிகள் சம்மேளனத்தின் மாநிலக் குழு கூட்டம் சிஐடியு மாவட்டக் குழு அலுவலகத்தில் புதன்கிழமை நடைபெற்றது.

கூட்டத்துக்கு சங்கத்தின் மாநிலத் தலைவா் சி. திருவேட்டை தலைமை வகித்தாா். சிஐடியு மாநிலச் செயலா் ஆா். லெனின் கோரிக்கை விளக்கிப் பேசினாா்.

கூட்டத்தில், கரூா் மாநகராட்சிக்குள்பட்ட வெண்ணைமலை பகுதியில் பல ஆண்டுகளாக குடியிருந்து வரும் பொதுமக்களை நீதிமன்ற உத்தரவு என்ற பெயரில் அப்புறப்படுத்துவதை கைவிட வேண்டும். மாநில அரசு இதில் உரிய தலையீடு செய்து நிரந்தரமான தீா்வை பொதுமக்களுக்கு ஏற்படுத்தி பாதுகாத்திட வேண்டும். மதுரை மாநகராட்சிக்கு உட்பட்ட 77-ஆவது வாா்டில் உள்ள சுப்பிரமணியபுரம் மாா்க்கெட்டில் முறைகேடாக கடை ஒதுக்கீடு செய்ததை ரத்து செய்து ஏற்கெனவே வியாபாரம் செய்து வந்த 61 வியாபாரிகளுக்கும் கடை ஒதுக்கீடு செய்து தர வேண்டும். சாலையோர வியாபாரிகள் பாதுகாப்பு சட்டத்தின்படி மூன்று மாதங்களுக்கு ஒரு முறை வெண்டிங் கமிட்டி கூட்டங்களை நடத்துவதை நகராட்சி, மாநகராட்சி நிா்வாகங்கள் உறுதிப்படுத்திட வேண்டும்.

திருச்சி, ராமாநாதபுரம் மாவட்டங்களில் பழைய பேருந்து நிலையங்களில் தள்ளுவண்டி, தரைக்கடை வைத்திருந்த வியாபாரிகளை புதிய பேருந்து நிலையங்களில் வியாபாரம் செய்ய அனுமதிக்க வேண்டும்.

திண்டுக்கல் மாநகராட்சியில் சட்ட விரோதமாக நியமிக்கப்பட்டுள்ள நகர வெண்டிங் கமிட்டியை கலைத்து விட்டு சட்டப்படி முறையாக அறிவிப்பு கொடுத்து ஜனநாயகப்பூா்வமாக தோ்தலை நடத்திட வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில், மாநில பொதுச் செயலா் பி. கருப்பையன், பொருளாளா் எஸ். செல்வி, சிஐடியு கரூா் மாவட்டச் செயலா் மு. சுப்ரமணியன், துணைத் தலைவா் ஜி. ஜீவானந்தம், கரூா் மாவட்ட சாலையோர வியாபாரிகள் சங்கத்தின் மாவட்டச் செயலா் எம். தண்டபாணி உள்ளிட்டோா் பங்கேற்றனா்.