பெரம்பலூர் மாவட்ட அனைவருக்கும் இடைநிலைக் கல்வித் திட்டம் மற்றும் மாற்றுத் திறனாளிகளுக்கான உள்ளடங்கிய கல்வி திட்டம் சார்பில், மாற்றுத் திறனாளிகளுக்கான சிறப்பு மருத்துவ முகாம் வெள்ளிக்கிழமை நடைபெற்றது.
பெரம்பலூர் அரசு மேல்நிலைப்பள்ளி வளாகத்தில் நடைபெற்ற மருத்துவ முகாமை, மாவட்ட முதன்மைக் கல்வி அலுவலர் தி. அருள்மொழிதேவி தொடக்கி வைத்தார். மாவட்ட மறுவாழ்வு அலுவலர் ராமகிருஷ்ணன் முன்னிலை வகித்தார். முகாமில், காது, மூக்கு, தொண்டை நிபுணர், மனநலம் மருத்துவர், எலும்பு மூட்டு சிகிச்சை மருத்துவர், கண் மருத்துவர் ஆகியோர் மாற்றுத்திறனாளிகளை பரிசோதனை செய்து சிகிச்சை அளித்தனர்.
இதில், செயற்கைக்கால், வீல்சேர், மேசை, காது கேட்கும் கருவி, காலிபர் கருவிகள் தேவைப்படும் மாற்றுத் திறனாளிகளை தேர்வு செய்தனர். இதற்கான மாணவ, மாணவிகளின் உடல் தகுதி பரிசோதிக்கப்பட்டு குறைபாடு தன்மை, தேவைப்படும் பொருத்து கருவிகள் விவரங்கள் கண்கெடுக்கப்பட்டு, அடையாள அட்டை தேவைப்படுவோரின் பெயர்கள் பதிவு செய்யப்பட்டது. முகாமில், 225 பேர் பங்கேற்று பயன்பெற்றனர். இதில், உதவி உபகரணங்கள் வழங்க 86 பேர் தேர்வு செய்யப்பட்டனர்.