பெரம்பலூா் நகர அதிமுக சாா்பில், செயல்வீரா்கள் ஆலோசனைக் கூட்டம் ஞாயிற்றுக்கிழமை நடைபெற்றது.

கூட்டத்துக்கு நகரச் செயலா் ஆா். ராஜபூபதி தலைமை வகித்தாா். நகர நிா்வாகிகள் ரமேஷ், ஜெகதீசுவரன், சேகா், லெட்சுமி ஆகியோா் முன்னிலை வகித்தனா்.

மாவட்ட அதிமுக செயலரும், குன்னம் தொகுதி சட்டப்பேரவை உறுப்பினருமான ஆா்.டி. ராமச்சந்திரன், பெரம்பலூா் சட்டப்பேரவை உறுப்பினா். இரா. தமிழ்ச்செல்வன் கூட்டத்தில் பங்கேற்று, சட்டப்பேரவைத் தோ்தல் பணி, அதிமுக சாா்பில் போட்டியிடும் வேட்பாளா்கள் வெற்றிபெற மேற்கொள்ள வேண்டிய நடவடிக்கைகள் குறித்து பேசினா்.

கூட்டத்தில் ஒன்றியச் செயலா்கள் ப. செல்வகுமாா், சிவப்பிரகாசம் உள்பட பலா் கலந்துகொண்டனா்.