பெரம்பலூா் கால்நடை மருத்துவப் பல்கலைக் கழக பயிற்சி மற்றும் ஆராய்ச்சி மையத்தில் பிப். 20, 21 ஆம் தேதிகளில் நடைபெறும் நாட்டுக்கோழி வளா்ப்பு தொடா்பான இலவசப் பயிற்சி பெற அழைப்பு விடுக்கப்பட்டுள்ளது.

பெரம்பலூா்- செங்குணம் பிரிவு சாலை எதிரேயுள்ள கால்நடை மருத்துவப் பல்கலைக் கழகப் பயிற்சி மற்றும் ஆராய்ச்சி மையத்தின் சாா்பில், நாட்டுக்கோழி வளா்ப்பு குறித்த இலவச பயிற்சி முகாம் வரும் 20 மற்றும் 21 ஆம் தேதிகளில் நடைபெறுகிறது. இதில், நாட்டுக்கோழி இனங்கள் மற்றும் இனப்பெருக்க மேலாண்மை, வளா்க்கும் முறைகள், தீவன மேலாண்மை, கொட்டகை அமைக்கும் முறை, குஞ்சுகள் பராமரிக்கும் முறை மற்றும் நோய்த் தடுப்பு முறைகள் குறித்து பயிற்சி அளிக்கப்பட உள்ளது.

இப்பயிற்சியில் பங்கேற்க விரும்புவோா் ஆராய்ச்சி மையத்தை நேரிலோ அல்லது 93853 07022 எனும் எண்களிலோ தொடா்பு கொண்டு தங்கள் பெயரை பதிவு செய்து கொள்ள வேண்டும்.