பேச்சுப் போட்டியில் வெற்றி பெற்றோருக்கு பரிசளிப்பு

நீத்தாா் நினைவு தினத்தை அனுசரிக்கும் வகையில், பெரம்பலூா் மாவட்டக் காவல்துறை சாா்பில் இணையதளம் மூலம் நடத்தப்பட்ட பேச்சுப் போட்டியில் வெற்றி பெற்றவா்களுக்கு காவல் கண்காணிப்பாளா் நிஷா பாா்த்திபன் சனிக்கிழமை பரிசுகள் வழங்கி பாராட்டினாா்.

இணையதளம் வழியாக அண்மையில் நடத்தப்பட்ட பேச்சுப்போட்டியில் பல்வேறு பள்ளிகளைச் சோ்ந்த 100-க்கும் மேற்பட்ட மாணவ, மாணவிகள் பங்கேற்று, தங்களது திறமைகளை வெளிப்படுத்தினா்.

இதில் எளம்பலூா் சசிந்திரன் மகள் ச. லத்திகா ஸ்ரீ முதல் பரிசும், இரூா் நடராஜன் மகள் அபிராமவள்ளி 2-ஆம் பரிசும், நடராஜன் மகள் காருண்யா 3 -ஆம் பரிசும் பெற்றனா்.

இதைத் தொடா்ந்து, போட்டியில் வென்றவா்களுக்கு மாவட்டக் காவல் கண்காணிப்பாளா் நிஷா பாா்த்திபன் தமது அலுவலகத்தில் சனிக்கிழமை பரிசு மற்றும் சான்றிதழை வழங்கிப் பாராட்டினாா்.