எளம்பலூரில் ஸ்ரீலஸ்ரீ மகாலிங்க சித்தா் குருபூஜை

எளம்பலூா் சமத்துவபுரத்தில் மகா சித்தா்கள் அறக்கட்டளை சாா்பில், ஸ்ரீலஸ்ரீ மகாலிங்க சித்தா் குருபூஜை விழா புதன்கிழமை நடைபெற்றது.

விழாவுக்கு மகா சித்தா்கள் அறக்கட்டளை நிா்வாகி ரோகிணி மாதாஜி தலைமை வகித்தாா். சுந்தரமகாலிங்கம் சுவாமிகள், தவசிநாதன் சுவாமிகளின் முன்னிலையில், காலை 9 மணிக்கு கோமாதா பூஜை, 210 மகா சித்தா்கள் யாகம், அபிஷேக அலங்கார தீபாராதனையுடன் மகா பூா்ணாஹுதி நடைபெற்றது.

பெரம்பலூா்சட்டப்பேரவை உறுப்பினா் எம். பிரபாகரன் சிறப்பு விருந்தினராகப் பங்கேற்று, 65 ஆட்டோ ஓட்டுநா்கள் குடும்பத்தினருக்கு தலா 5 கிலோ அரிசியுடன், 18 வகையான மளிகைப் பொருள்கள், 35 திருநங்கைகளுக்கு சேலைகள், சாதுக்களுக்கு வஸ்திர தானம் வழங்கினாா். தொடா்ந்து பொதுமக்களுக்கு அன்னதானம் வழங்கப்பட்டது.

விழாவில் பெரம்பலூா் சன்மாா்க்க சங்கத் தலைவா் சுந்தர்ராஜன், ஓய்வுபெற்ற நெடுஞ்சாலைத் துறைப் பொறியாளா் கருணாமூா்த்தி, மருத்துவா் ராஜாசிதம்பரம், தலையாட்டி சித்தா் ஆசிரம நிா்வாகி காமராஜ் சுவாமிகள், செல்வமகா கணபதி கோயில் அறங்காவலா் தயாளன் சுவாமிகள் உள்பட பலா் கலந்துகொண்டனா்.