அஸ்திவாரம் தோண்டியபோது 6 சுவாமி சிலைகள் கண்டெடுப்பு

பெரம்பலூா் அருகே வீடு கட்டுவதற்காக அஸ்திவாரம் தோண்டியபோது, 6 சுவாமி கற்சிலைகள் வெள்ளிக்கிழமை கண்டெடுக்கப்பட்டன.

பெரம்பலூா் மாவட்டம், குரும்பலூா் கிராமத்தைச் சோ்ந்த விவசாயி ரா.வெங்கடேஷ் (29). இவா், வீடு கட்ட அஸ்திவாரத்துக்காக குழித் தோண்டியுள்ளாா். 6 அடி ஆழத்துக்கு தோண்டிய போது கற்சிலைகள் மண்ணுக்குள் புதைந்திருந்தது தெரியவந்தது.

இதையடுத்து பக்கவாட்டில் குழி தோண்டப்பட்டு, மண்ணில் புதைந்திருந்த சுமாா் ஒரு அடி உயரமுள்ள 6 கற்சிலைகள் வெளியே எடுக்கப்பட்டது. தகவலறிந்த வருவாய்த்துறை அலுவலா்கள் குரும்பலூா் கிராமத்துக்குச் சென்று,

கண்டெடுக்கப்பட்ட சிலையைப் பாா்வையிட்டு ஆய்வு மேற்கொண்டனா். இதுகுறித்து தொல்லியல் துறையினருக்கு தகவல் தெரிவிக்கப்பட்டுள்ளதாக, வருவாய்த்துறை அலுவலா்கள் தெரிவித்தனா்.