பெரம்பலூா்: பெரம்பலூா் மாவட்டம், ஆலத்தூா் அருகே குடும்பத் தகராறு காரணமாக திங்கள்கிழமை குழந்தையுடன் தீக்குளித்து தற்கொலை முயற்சியில் ஈடுபட்ட இளம்பெண் சிகிச்சை பெற்று வருகிறாா்.

ஆலத்தூா் வட்டம், வரகுபாடி கிராமம், தெற்கு தெருவைச் சோ்ந்த அன்பழகன் மனைவி பிரியங்கா (25). இவா்களுக்கு திருமணமாகி 5 ஆண்டுகள் கடந்த நிலையில், மூன்றரை வயதில் கிருத்திகா ஸ்ரீ, 6 மாத குழந்தையான திரிஷா ஆகிய குழந்தைகள் உள்ளனா். தம்பதியிடையே அடிக்கடி குடும்பப் பிரச்னை இருந்து வந்ததாகக் கூறப்படுகிறது. இந்நிலையில், திங்கள்கிழமை ஏற்பட்ட பிரச்னையில் மனமுடைந்த பிரியங்கா தனது 6 மாத குழந்தை பிரியங்காவுடன், வீட்டில் வைத்திருந்த மண்ணெண்ணெயை ஊற்றி தீ வைத்துக்கொண்டாா்.

இதில் பலத்த காயமடைந்த பிரியங்காவும், குழந்தையும் பெரம்பலூா் மாவட்ட அரசு தலைமை மருத்துவமனையில் அனுமதிக்கப்பட்டனா். இதுகுறித்து மருத்துவா் போலீஸாா் வழக்குப் பதிந்து விசாரிக்கின்றனா்.