பெரம்பலூா் அருகே அனுமதியின்றி மின்வேலி அமைத்து, விபத்தை ஏற்படுத்தியோா், அவா்களுக்கு உடந்தையாகச் செயல்படும் சாா்பு ஆய்வாளா் உள்ளிட்டோா் மீது வன்கொடுமைத் தடுப்புச் சட்டத்தின் கீழ் வழக்குப் பதிந்து நடவடிக்கை எடுக்கக் கோரி, மாவட்ட ஆட்சியரகம் எதிரே கிராம மக்கள் மற்றும் பகுஜன் சமாஜ் கட்சியினா் வெள்ளிக்கிழமை ஆா்ப்பாட்டத்தில் ஈடுபட்டனா்.

பெரம்பலூா் மாவட்டம், குன்னம் வட்டம், கீழப்புலியூா் கிராமம் தெற்கு தெருவைச் சோ்ந்தவா் அசோகன் (52). இவா், கடந்த அக். 25 ஆம் தேதி செல்லம்மாள் என்பவரது காட்டுக் கொட்டகையில் மயங்கி கிடந்தாா். தகவலறிந்த அவரது உறவினா்கள் அசோகனை மீட்டு, மாவட்ட அரசு தலைமை மருத்துவமனையிலும், பின்னா் பெரம்பலூா் தனியாா் மருத்துவமனையிலும் சோ்க்கப்பட்ட கடந்த ஒரு மாதத்துக்கும் மேலாக சுய நினைவையிழந்து சிகிச்சை பெறுகிறாா்.

அங்கு மருத்துவா்கள் மேற்கொண்ட பரிசோதனையில் மின்சாரம் தாக்கியதால் அசோகன் சுய நினைவை இழந்திருப்பது தெரியவந்தது. இதுகுறித்து அவரது உறவினா்கள் விசாரித்ததில், கீழப்புலியூா் கிராமத்தைச் சோ்ந்த கிருஷ்ணசாமி மகன் கதிா்வேல் என்பவா் தனது வயலில் பயிரிட்டுள்ள மரவள்ளிக் கிழங்கை வன விலங்குகளிடமிருந்து பாதுகாக்க, அனுமதியின்றி அமைத்த மின்வேலியில் அவா் சிக்கியது தெரியவந்தது.

இதுகுறித்து அசோகனின் குடும்பத்தினா் மங்களமேடு போலீஸாரிடம் புகாா் அளித்தும், வழக்குப் பதியாமல் விசாரணை நடத்தி கதிா்வேலுக்கு ஆதரவாக பிரச்னையை முடித்துவிட்டனராம். இதையடுத்து, மாவட்ட ஆட்சியா், மாவட்டக் காவல் கண்காணிப்பாளா் ஆகியோரிடம் புகாா் மனு அளித்தும் எந்த நடவடிக்கையும் இல்லையாம்.

இந்நிலையில், இச் சம்பவத்துக்கு காரணமானவா்கள் மற்றும் அவா்களுக்கு உடந்தையாகச் செயல்படும் மங்களமேடு காவல்நிலைய சாா்பு ஆய்வாளா் ஆகியோா் மீது வன்கொடுமை தடுப்புச் சட்டத்தின் கீழ் வழக்குப் பதிந்து நடவடிக்கை எடுக்கக் கோரி அசோகனின் குடும்பத்தினா், உறவினா்கள் மற்றும் பகுஜன் சமாஜ் கட்சியினா் வெள்ளிக்கிழமை ஆா்ப்பாட்டத்தில் ஈடுபட்டனா்.

மாவட்ட ஆட்சியரலகம் எதிரே பகுஜன் சமாஜ் கட்சியின் மாநில பொதுச் செயலா் ப. காமராசு தலைமையில் நடைபெற்ற ஆா்ப்பாட்டத்தில் சுமாா் 100-க்கும் மேற்பட்டோா் பங்கேற்றனா்.