விராலிமலை புதிய பேருந்து நிலையத்தில் பேருந்துக்காக காத்திருக்கும் நேரத்தில் தாய்மார்களின் சிரமங்களை போக்க, 5 இருக்கைகள், குடிநீர், மின் விசிறி வசதியுடன் கூடிய பாலூட்டும் அறை கட்டப்பட்டு அப்போதைய முதல்வர் ஜெயலலிதாவால் காணொளிக் காட்சி மூலம் திறக்கப்பட்டது.  
தற்போது அந்த அறைகள் மூடப்பட்டு கிடப்பதால் பேருந்துக்காக காத்திருக்கும் தாய்மார்கள் தங்களது குழந்தைகளுக்கு பாலூட்ட முடியாமல் மிகுந்த சிரமத்துக்குள்ளாகின்றனர். எனவே மாவட்ட நிர்வாகம் இதை கருத்தில் கொண்டு மூடப்பட்டு கிடக்கும் பாலூட்டும் அறையை திறக்க வேண்டும் என்பதே தாய்மார்களின் எதிர்பார்ப்பாக உள்ளது .