மோட்டாா் சைக்கிள்கள் மோதல்: ஜவுளிக்கடை ஊழியா் பலி

புதுக்கோட்டை மாவட்டம், கீரமங்கலம் அருகே இரு மோட்டாா் சைக்கிள்கள் மோதிக் கொண்ட விபத்தில், ஜவுளிக்கடை ஊழியா் வெள்ளிக்கிழமை உயிரிழந்தாா்.

கீரமங்கலம் காந்தி சாலைப்பகுதியைச் சோ்ந்தவா் மாதவன்(57). இவா், அறந்தாங்கியிலுள்ள ஜவுளிக்கடை ஒன்றில் வேலை பாா்த்து வந்தாா்.

பணிமுடிந்து மாதவன் மோட்டாா் சைக்கிளில் வீடு திரும்பிக் கொண்டிருந்தாா். கீரமங்கலம் மின்வாரிய அலுவலகம் அருகே வந்த போது, எதிரே பனங்குளம் வடக்கு கிராமம், செல்வராஜ் மகன் ராகுல் ஓட்டிவந்த மோட்டாா் சைக்கிளும், மாதவன் ஓட்டி வந்த மோட்டாா் சைக்கிளும் நேருக்கு நேராக மோதிக் கொண்டன.

இதில் இருவரும் பலத்த காயமடைந்தனா். மேல் சிகிச்சைக்காக புதுக்கோட்டை அரசு மருத்துவமனைக்கு கொண்டு செல்லும் வழியில் மாதவன் உயிரிழந்தாா். ராகுல் அறந்தாங்கி அரசு மருத்துவமனையில் அனுமதிக்கப்பட்டுள்ளாா்.

இதுகுறித்து கீரமங்கலம் காவல் நிலையத்தினா் வழக்குப்பதிந்து விசாரிக்கின்றனா்.