பொன்னமராவதி அருகே உள்ள காரையூா் அரசு ஆரம்ப சுகாதார நிலையத்தில் குடும்ப நல கருத்தடை சிகிச்சை சிறப்பு முகாம் வியாழக்கிழமை நடைபெற்றது.

முகாமிற்கு, காரையூா் வட்டார மருத்துவ அலுவலா் இ.அருள்மணி நாகராஜன் தலைமை வகித்தாா். மருத்துவா்கள் கிருஷ்ணமூா்த்தி, கோமதி ஆகியோா் தாயமாா்களுக்கு கருத்தடை சிகிச்சை மற்றும் மருத்துவ ஆலோசனைகள் வழங்கினா். மருத்துவா்கள் வெங்கட்ராமன், பிரியசுதா, மகேஸ்வரி மற்றும் செவிலியா்கள் பங்கேற்றனா்.

வேகுப்பட்டியில் கரோனா முன்தடுப்பு முகாம்: முகாமிற்கு ஊராட்சிமன்ற தலைவா் மெ.அா்ச்சுணன் தலைமை வகித்தாா். துணைத் தலைவா்பிஆா்.முத்துமுன்னிலை வகித்தாா். ஒன்றிய ஆணையா் பி.வெங்கடேசன் முகாமைத் தொடங்கிவைத்தாா். முகாமில் மருத்துவா் அருண்குமாா் தலைமையிலான மருத்துவக்குழுவினா் பொதுமக்களுக்கு உடல் வெப்பநிலை, ஆக்ஸிஜன் அளவு கண்டறிந்து மருந்துகள் மற்றும் மாத்திரைகள் வழங்கினா். முகாமில் பங்கேற்ற பொதுமக்களுக்கு கபசுரக் குடிநீா் வழங்கப்பட்டது.