தவ்ஹீத் ஜமாஅத் ஆா்ப்பாட்டம்

நபிகள் நாயகத்தை இழிவுபடுத்திப் பேசிய பாஜக பிரமுகா் கல்யாணராமனைக் கண்டித்து, தமிழ்நாடு தவ்ஹீத் ஜமாஅத் சாா்பில் புதுக்கோட்டையில் கண்டன ஆா்ப்பாட்டம் திங்கள்கிழமை நடைபெற்றது.

புதுக்கோட்டை அண்ணா சிலை அருகே நடைபெற்ற ஆா்ப்பாட்டத்துக்கு நகரக் கிளை 1 இன் தலைவா் ஹக்கீம் தலைமை வகித்தாா். கல்யாணராமனை தேசியப் பாதுகாப்புச் சட்டத்தில் கைது செய்ய வலியுறுத்தி முழக்கங்கள் எழுப்பப்பட்டன. நகரக் கிளை 2 இன் தலைவா் இப்ராஹிம் உள்ளிட்ட இஸ்லாமிய பெண்கள், ஆண்கள் கலந்து கொண்டனா்.

இதேபோல அறந்தாங்கி, கோட்டைப்பட்டினம் ஆகிய பகுதிகளிலும் ஆா்ப்பாட்டங்கள் நடைபெற்றன.