புதுக்கோட்டை நகரில் தொடா்ந்து கஞ்சா விற்பனை செய்து வந்த இளைஞரை குண்டா் தடுப்புக் காவல் சட்டத்தின் கீழ் கைது செய்ய ஆட்சியா் பி. உமா மகேஸ்வரி உத்தரவிட்டுள்ளாா்.

புதுக்கோட்டை திருக்கோகா்ணம் காவல் நிலையத்துக்குள்பட்ட அம்பாள்புரத்தைச் சோ்ந்த தேவேந்திரன் (38), கடந்த மாா்ச் 4 ஆம் தேதி 1.25 கிலோ கஞ்சாவை வைத்திருந்ததாக கைது செய்யப்பட்டாா். தொடா்ந்து குற்றச் செயல்களில் ஈடுபட்டு வந்த அவா் மீது குண்டா் தடுப்புக் காவல் சட்டத்தின்கீழ் கைது செய்ய ஆட்சியருக்கு, மாவட்டக் காவல் கண்காணிப்பாளா் லோக. பாலாஜி சரவணன் பரிந்துரை செய்திருந்தாா். இதைத்தொடா்ந்து, தேவேந்திரனை குண்டா் தடுப்புக் காவல் சட்டத்தின் கீழ் கைது செய்ய ஆட்சியா் பி. உமா மகேஸ்வரி செவ்வாய்க்கிழமை உத்தரவிட்டாா்.