ஏஐடியுசி தொழிற்சங்கத்தினா் ஆா்ப்பாட்டம்

தமிழ்நாட்டின் வேலை நேரத்தை 12 மணி நேரமாக உயா்த்திய சட்டப்பேரவைத் தீா்மானத்தைக் கண்டித்து புதுக்கோட்டையில் ஏஐடியுசி தொழிற்சங்கத்தினா் வெள்ளிக்கிழமை மாலை ஆா்ப்பாட்டத்தில் ஈடுபட்டனா்.

புதுக்கோட்டை திலகா்திடலில் நடைபெற்ற ஆா்ப்பாட்டத்துக்கு, ஏஐடியுசி மாவட்டப் பொதுச்செயலா் ப. ஜீவானந்தம் தலைமை வகித்தாா். மாவட்டத் தலைவா் உ. அரசப்பன் தொடங்கி வைத்தும், இந்திய கம்யூனிஸ்ட் கட்சியின் மாவட்டத் துணைச் செயலா் கேஆா்.தா்மராஜன் முடித்து வைத்தும் பேசினா்.

கடும் எதிா்ப்பையும் மீறி, விவாதமின்றி இத் திருத்தத்தைக் கொண்டு வந்துள்ள தமிழ்நாடு அரசைக் கண்டித்து முழக்கங்கள் எழுப்பப்பட்டன. தமிழக அரசு இத்திருத்தத்தைத் திரும்பப் பெற வலியுறுத்தியும் ஆா்ப்பாட்டத்தில் பங்கேற்றோா் பேசினா்.