பாபநாசம் வட்டம், பண்டாரவாடையிலிருந்து மனிதநேய ஜனநாயகக் கட்சி சார்பில் கஜா புயலால் பாதிக்கப்பட்ட நாகை மாவட்டத்துக்கு 1000 உணவுப் பொட்டலங்கள் அனுப்பிவைக்கப்பட்டன.
தஞ்சாவூர் வடக்கு மாவட்ட மனிதநேய ஜனநாயக கட்சி சார்பில்,  அந்த கட்சியின் மாநில வர்த்தகர் அணி செயலாளர் யூசுப்ராஜா தலைமையில் உணவுப் பொட்டலங்கள் தயாரிக்கும் பணி ஞாயிற்றுக்கிழமை நடைபெற்றது. 
இதில்,  மாநில செயலாளர் ராசுதீன், மாவட்ட செயலாளர் மஃக்ரூப்,  ஒன்றிய செயலாளர் முகம்மது இப்ராஹீம்,  கிளை நிர்வாகிகள் முகம்மது பாசில், சஃபீக் அகம்மது, முகம்மது மகாதீர், ரியாஸ்கான், முகம்மது பஹத், சமூக ஆர்வலர் ஓம் பிரகாஷ் உள்ளிட்டோர் பங்கேற்றனர். 
தயாரிக்கப்பட்ட 1000 உணவுப் பொட்டலங்கள், குடிநீர் உள்ளிட்டவை வாகனங்கள் மூலம் நாகப்பட்டினம், வேதாரண்யம் பகுதி முகாம்களுக்கு அனுப்பிவைக்கப்பட்டது.