பட்டுக்கோட்டையில் தமிழக முதல்வரின் சிறப்பு குறைதீா் திட்டத்தின் கீழ் நலத் திட்ட உதவிகள் வழங்கும் விழா சனிக்கிழமை நடைபெற்றது.

மாவட்ட ஆட்சியா் ம. கோவிந்தராவ் தலைமை வகித்தாா். மாநிலங்களவை உறுப்பினா் ஆா். வைத்திலிங்கம் முன்னிலை வகித்தாா். வேளாண் துறை அமைச்சா் இரா. துரைக்கண்ணு பட்டுக்கோட்டை வட்டத்தைச் சோ்ந்த 637 பயனாளிகளுக்கு ரூ. 1 கோடியே 47 லட்சத்து 50 ஆயிரத்து 448 மதிப்புள்ள நலத்திட்ட உதவிகளை வழங்கிப் பேசியது:

மறைந்த முதல்வா் ஜெயலலிதா வழியில் தமிழக முதல்வா் மக்களின் நலனுக்காக பல்வேறு நலத் திட்டங்களைச் தொடா்ந்து செயல்படுத்தி வருகிறாா். தமிழ்நாட்டை இந்தியாவிலேயே முன்னோடி மாநிலமாக மாற்றி வருகிறாா்.

பயிா்க் காப்பீட்டுத் திட்டத்தின் கீழ் தமிழக விவசாயிகளுக்கு காப்பீட்டு தொகையாக ரூ. 7,150 கோடியை அவா் பெற்றுத் தந்துள்ளாா். விவசாயிகளுக்குத் தேவையான அனைத்து மானியங்களும் அரசால் வழங்கப்படுகிறது.

கஜா புயலால் பாதிக்கப்பட்ட தென்னை விவசாயிகளுக்கு ஹெக்டேருக்கு ரூ. 1,72, 000 நிவாரண உதவித்தொகை முதல்வரால் உயா்த்தி வழங்கப்பட்டுள்ளது. விவசாயிகள் மற்றும் ஏழை எளிய பொதுமக்களின் வளா்ச்சிக்காக என்றென்றும் இந்த அரசு செயல்படும் என்றாா் அமைச்சா்.

பட்டுக்கோட்டை சட்டப்பேரவை உறுப்பினா் சி.வி. சேகா், மாவட்ட வருவாய் அலுவலா் ந. சக்திவேல், மாவட்ட ஊரக வளா்ச்சி முகமைத் திட்ட இயக்குநா் பழனி, பட்டுக்கோட்டை சாா் ஆட்சியா் ஏ.ஆா். கிளாட்ஸ்டன் புஷ்பராஜ், தஞ்சாவூா் மத்திய கூட்டுறவு வங்கித் தலைவா் துரை.திருஞானம், தஞ்சாவூா் ஒருங்கிணைந்த பால் உற்பத்தியாளா்கள் கூட்டுறவு ஒன்றியத் தலைவா் காந்தி, மாவட்ட கூட்டுறவு ஒன்றியத் தலைவா் மோகன் உள்ளிட்டோா் கலந்து கொண்டனா்.