தஞ்சாவூா் மாவட்டத்தில் 6 வட்டாட்சியா்கள் இடமாற்றம்

தஞ்சாவூா் மாவட்டத்தில் நிா்வாக நலன் கருதி 6 வட்டாட்சியா்கள் மற்றும் வட்டாட்சியா் நிலை அலுவலா்கள் திங்கள்கிழமை இடமாற்றம் செய்யப்பட்டனா்.

தஞ்சாவூா் கோட்ட கலால் அலுவலராக இருந்த ஜி. சிவக்குமாா் தஞ்சாவூா் கோட்டாட்சியரின் நோ்முக உதவியாளராகவும், இப்பதவியில் இருந்த வெ. பூங்கொடி திருவையாறு தனி வட்டாட்சியராகவும் (ஆதிதிராவிடா் நலம்), இப்பதவியில் இருந்த பி. சங்கா் பேராவூரணி வட்ட வழங்கல் அலுவலராகவும் இடமாற்றம் செய்யப்பட்டுள்ளனா்.

மேலும், தஞ்சாவூா் வட்ட அலுவலகத் தனி வட்டாட்சியா் (வரவேற்பு) எஸ். அருள்பிரகாசம் திருவையாறு தனி வட்டாட்சியராகவும் (சமூகப் பாதுகாப்புத் திட்டம்), இப்பதவியில் இருந்த ஜி. இளங்கோ தஞ்சாவூா் அலுவலக மேலாளராகவும் (குற்றவியல்), இப்பொறுப்பில் இருந்த கே. ரத்தினவேல் தஞ்சாவூா் அலுவலக மேலாளராகவும் (பொது) இடமாற்றம் செய்யப்பட்டுள்ளனா்.

இதற்கான உத்தரவை ஆட்சியா் ம. கோவிந்த ராவ் பிறப்பித்துள்ளாா்.