கும்பகோணம் அருகிலுள்ள அழகாபுத்துாா் சிதம்பரேசுவரா் கோயிலில், ஜோதிமலை இறைப்பணி திருக்கூட்டம் சாா்பில் 5 -ஆம் ஆண்டு கோ பூஜை விழா நடைபெற்றது.

இக்கோயிலில் கடந்த 4 ஆண்டுகளாக உலக நன்மைக்காகவும், கால்நடைகள் பெருகவும், விவசாயம் செழிக்கவும், நாட்டில் அமைதி ஏற்படவும் பூஜைகள் நடைபெற்று வருகின்றன. இதன்படி 5- ஆம் ஆண்டு கோ பூஜை விழா ஞாயிற்றுக்கிழமை நடைபெற்றது.

காலை 8.30 மணிக்கு சுவாமி அம்பாளுக்கு சிறப்பு அபிஷேகமும், அலங்காரமும், இதைத் தொடா்ந்து 100-க்கும் அதிகமான பசுக்களை கொண்டு கோ பூஜைகளும் நடைபெற்றன. தொடா்ந்து, கன்னியாகுமரி மாவட்டத்தில் தீவிரவாதிகளால் கொல்லப்பட்ட காவல் உதவி ஆய்வாளா் வில்சன் ஆன்மா சாந்தியடைய மெளன அஞ்சலி செலுத்தப்பட்டது.

இதில் ஏராளமானோா் பங்கேற்றனா்.