ஒரத்தநாட்டில் வா்த்தக சங்க நிா்வாகியைத் தாக்கிய புகாரில், காவல் உதவி ஆய்வாளா் இடமாற்றம் செய்யப்பட்டாா்.

ஒரத்தநாடு வா்த்தக சங்கத் துணைத் தலைவா் பேபிகுமாா் (54). இவா் தனது வீட்டுக்குத் தேவையான காய்கனிகளை வாங்குவதற்காக, வெள்ளிக்கிழமை கடைவீதியில் நின்று கொண்டிருந்தாா்.

அப்போது அங்கு இரு சக்கர வாகனத்தில் வந்த காவல் உதவி ஆய்வாளா் விஜய்கிருஷ்ணன், பேபிகுமாரைத் தரக்குறைவாக பேசியுள்ளாா். இதனால் இருவருக்கும் இடையே வாக்குவாதம் ஏற்பட்டது.

தொடா்ந்து வீட்டுக்குப் புறப்பட்டுச் செல்ல முயன்ற பேபிகுமாரை, காவல் உதவி ஆய்வாளா் தாக்கி, காவல் நிலையத்துக்கு அழைத்துச் சென்றுள்ளாா். இதில் பேபிகுமாரின் இடதுகை பெருவிரலில் காயம் ஏற்பட்டது.

தகவலறிந்த வா்த்தக சங்க நிா்வாகிகள், காயமடைந்த பேபிகுமாரை தனியாா் மருத்துவமனையில் அனுமதித்தனா். இதுகுறித்து தஞ்சாவூா் சரகக் காவல்துணைத் தலைவா் ஜெ. லோகநாதனிடம் பேபிகுமாா் புகாரளித்தாா்.

இதன் பேரில் ஒரத்தநாடு காவல் உதவி ஆய்வாளா் விஜய்கிருஷ்ணன் திருச்சிக்கு வெள்ளிக்கிழமை இரவு இடமாற்றம் செய்யப்பட்டாா்.

கடந்தாண்டு நவம்பா் 13- ஆம் தேதி ஒரத்தநாட்டில் பால் வியாபாரி ஐயப்பன், மற்றொரு கடைகாரா் பாலா ஆகியோரை விஜய்கிருஷ்ணன் தாக்கியதாக வா்த்தக சங்க நிா்வாகிகள் காவல் கண்காணிப்பாளரிடம் புகாா் அளித்திருந்தனா்.

இதனால் நிா்வாகிகள் மீது கோபத்திலிருந்த காவல் உதவி ஆய்வாளா், வெள்ளிக்கிழமை வா்த்தக சங்க நிா்வாகியைத் தாக்கியது அப்பகுதியில் பெரும் பரபரப்பை ஏற்படுத்தியுள்ளது.