அஞ்சலகப் பணியாளா்களுக்கு கரோனா தடுப்பு உபகரணங்கள்

 பாபநாசம் தலைமை அஞ்சலகப் பணியாளா்களுக்கு கரோனா தடுப்பு உபகரணங்கள் வெள்ளிக்கிழமை வழங்கப்பட்டன.

தலைமை அஞ்சல் அலுவலா் சுமதியிடம் முகக்கவசம், கைகழுவும் திரவம், கையுறைகள் உள்ளிட்டவற்றை இந்தியன் ரெட்கிராஸ் சங்கப் புரவலரும், ஆயுள்கால உறுப்பினருமான நவநீதகிருஷ்ணன் வழங்கினாா். இதுபோல, பிஎஸ்என்எல் அலுவலகத்தில் பணியாற்றி வரும் பணியாளா்களுக்கும் இவா் கரோனா தடுப்பு உபகரணங்களை வழங்கினாா்.

தடுப்பூசி முகாம் : பாபநாசம் பேரூராட்சிக்குள்பட்ட 108 சிவாலயம் கோயில் வளாகத்தில் கரோனா தடுப்பூசி முகாம் வெள்ளிக்கிழமை நடைபெற்றது. கபிஸ்தலம் ஆரம்ப சுகாதார நிலைய மருத்துவக் குழுவினா் 200 பேருக்குத் தடுப்பூசி செலுத்தினா்.

நிகழ்வில் பாபநாசம் பேரூராட்சி செயல் அலுவலா் காா்த்திகேயன், துப்புரவு ஆய்வாளா் கா.தமிழ்வாணன், கோயில் கணக்கா் டி.கோபாலகிருஷ்ணன் உள்ளிட்டோா் பங்கேற்றனா்.

பரிசோதனை முகாம் : பாபநாசம் புதிய பேருந்து நிலையத்தில் கரோனா பரிசோதனை முகாம் நடைபெற்றது. இந்த முகாமை பேரூராட்சி செயல் அலுவலா் காா்த்திகேயன் தொடக்கி வைத்தாா். ஏராளமானோா் முகாமில் பங்கேற்று, கரோனா தொற்றுப் பரிசோதனை செய்து கொண்டனா்.