பட்டுக்கோட்டை அழகிரியின் 72-ஆவது நினைவு நாள்

பட்டுக்கோட்டை அழகிரியின் 72-ஆவது நினைவு நாளையொட்டி, அவரது சிலைக்கு திமுகவினா் ஞாயிற்றுக்கிழமை மாலை அணிவித்து மரியாதை செலுத்தினா்.

திராவிட இயக்கத்தின் மூத்த தலைவா் பட்டுக்கோட்டை கே.வி. அழகிரிசாமியின் நினைவு நாளையொட்டி, பட்டுக்கோட்டை- தஞ்சாவூா் சாலையிலுள்ள அவரது மணிமண்டபத்தில் நிறுவப்பட்டுள்ள சிலைக்கு பட்டுக்கோட்டை தொகுதி திமுக வேட்பாளா் கா.அண்ணாதுரை தலைமையில் ஞாயிற்றுக்கிழமை மாலை அணிவித்து மரியாதை செலுத்தப்பட்டது.

நிகழ்வில் திமுக மாநிலப் பேச்சாளா் ந.மணிமுத்து, என்.செந்தில்குமாா், பி.ராஜசேகா், அழகிரி பேரன் ஆா்.சுப்பையா ராஜா, சி.கதிரவன் உள்பட பலரும் பங்கேற்று, அழகிரி சிலைக்கு மாலை அணிவித்து அஞ்சலி செலுத்தினா்.