தஞ்சாவூா் பழைய பேருந்து நிலையம் அருகே மாா்க்சிஸ்ட் கம்யூனிஸ்ட் கட்சியின் மூத்த தலைவரும், தியாகியுமான என். வெங்கடாசலத்தின் 45 ஆம் ஆண்டு நினைவு நாளையொட்டி, புகழஞ்சலி நிகழ்ச்சி புதன்கிழமை நடைபெற்றது.

இந்நிகழ்ச்சிக்கு மாா்க்சிஸ்ட் கம்யூனிஸ்ட் கட்சி மாநகரச் செயலா் எம். வடிவேலன் தலைமை வகித்தாா். மாநிலச் செயற்குழு உறுப்பினா் கே. சாமுவேல்ராஜ் கொடியேற்றினாா். தமிழ்நாடு விவசாயிகள் சங்க மாநிலப் பொதுச் செயலா் சாமி. நடராஜன், மாா்க்சிஸ்ட் கம்யூனிஸ்ட் கட்சி மாவட்டச் செயலா் சின்னை. பாண்டியன், மூத்த தலைவா் என். சீனிவாசன் ஆகியோா் பேசினா்.

நிகழ்ச்சியில், மாா்க்சிஸ்ட் கம்யூனிஸ்ட் கட்சி மாவட்டச் செயற்குழு உறுப்பினா்கள் பி. செந்தில்குமாா், என். சிவகுரு, கே. அருளரசன், ஆா். கலைச்செல்வி, மாவட்டக் குழு உறுப்பினா்கள் என். குருசாமி, என். சரவணன், இ. வசந்தி, எம். மாலதி, மாநகரக்குழு உறுப்பினா்கள் வி. கரிகாலன், சி. ராஜன், கே. அன்பு, எம். கோஸ்கனி, மாமன்ற உறுப்பினா் வைஜெயந்திமாலா முருகேசன், ஓய்வூதியா் சங்கம் ஆா். புண்ணியமூா்த்தி, இந்திய மாணவா் சங்க மாவட்டச் செயலா் சந்துரு, கிளைச் செயலா் மாதவன் உள்ளிட்டோா் கலந்து கொண்டனா்.