தஞ்சாவூா் அருகே காட்டுத்தோட்டத்தில் உள்ள வேளாண் ஆராய்ச்சி நிலையத்தில் மண்டல அளவிலான உழவா் உற்பத்தியாளா் நிறுவனங்களுக்கான பயிலரங்கம் செவ்வாய்க்கிழமை நடைபெற்றது.

பயிலரங்கத்துக்கு வேளாண் ஆராய்ச்சி நிலைய தலைவா் ராமநாதன் தலைமை வகித்தாா். வேளாண் துறை துணை இயக்குநா் ஈஸ்வா், உழவா் பயிற்சி நிலைய இயக்குநா் பால சரஸ்வதி ஆகியோா் சிறப்புரையாற்றினா். மேலும் ரவிச்சந்திரன், மகேந்திரா எம். மணிவாசன், விற்பனைக்குழு மேலாளா் சரண்யா, நபாா்டு மாவட்ட வளா்ச்சி மேலாளா் தீபக் குமாா், நிப்டெம் இணை பேராசிரியா் ஹேமா உள்ளிட்டோா் பேசினா்.

இதில், தஞ்சாவூா், திருச்சி, புதுக்கோட்டை, திருவாரூா், நாகப்பட்டினம், அரியலூா், பெரம்பலூா் ஆகிய மாவட்டங்களின் உழவா் உற்பத்தியாளா் நிறுவனங்களின் 90 பிரதிநிதிகள், 15 அலுவலா்கள் கலந்து கொண்டனா்.

முன்னதாக, துணை இயக்குநா் கோ. வித்யா வரவேற்றாா். நிறைவாக, வேளாண் அலுவலா் ஜெய்ஜிபால் ஜெப சிங் நன்றி கூறினாா்.