தனியாா் நிறுவன ஊழியரிடம் இருசக்கர வாகனம் பறிப்பு

தஞ்சாவூரில் தனியாா் நிறுவன ஊழியரை வழிமறித்து இருசக்கர வாகனத்தை பறித்து சென்ற 2 பேரை போலீஸாா் தேடி வருகின்றனா்.

திருவாரூா் மேலப்பருத்தியூா் ஆதிதிராவிடா் காலனியில் வசிப்பவா் அண்ணாத்துரை மகன் அபிமன்யூ (23). தனியாா் நிறுவன ஊழியா்.

இவா், வெள்ளிக்கிழமை பணிமுடித்து விட்டு தஞ்சாவூா் - திருச்சி நெடுஞ்சாலையில் பரிசுத்தம் பொறியியல் கல்லூரி அருகே இருசக்கர வாகனத்தில் வந்தாா். அப்போது, 2 போ் அபிமன்யூவை வழிமறித்து மிரட்டி பணம் கேட்டனா். பணம் இல்லையென்றதும் இருசக்கர வாகனத்தை பறித்துக்கொண்டு தப்பி சென்றனா்.

இதுகுறித்த புகாரின்பேரில், தமிழ்ப் பல்கலைக்கழக காவல் நிலைய உதவி ஆய்வாளா் மோகன் சனிக்கிழமை வழக்குப் பதிந்து, வாகனத்தை பறித்து சென்ற 2 நபா்களை தேடி வருகிறாா்.