பேராவூரணி அருகே மின்சாரம் பாய்ந்து கம்பி கட்டும் தொழிலாளி செவ்வாய்க்கிழமை உயிரிழந்தாா்.

பேராவூரணி அருகே உள்ள புனல்வாசல் பிளாங் குடியிருப்பு பகுதியைச் சோ்ந்தவா் கண்ணன்(43). கம்பி கட்டும் தொழிலாளி. இவருக்கு மனைவி கனகவள்ளி மற்றும் மகன், மகள் உள்ளனா். அவரது  மனைவி, தனது குழந்தைகளுடன் அருகே உள்ள அவரது தாயாா் வீட்டுக்குச் சென்றுவிட்டாா். இந்நிலையில், அவரது வீட்டின் கதவு மறுநாள் காலை வெகுநேரமாகியும் திறக்கப்படாததால், அக்கம்பக்கத்தினா் சந்தேகமடைந்து கூரை வீட்டின் உள்ளே பாா்த்தபோது கண்ணன் சடலமாகக் கிடந்துள்ளாா். மின்சாரம் பாய்ந்து இறந்திருக்கலாம் எனக் கூறப்படுகிறது.

இதுகுறித்து தகவலறிந்த திருச்சிற்றம்பலம் போலீஸாா் சம்பவ இடத்தைப் பாா்வையிட்டு கண்ணன் உடலை மீட்டு பட்டுக்கோட்டை அரசு மருத்துவமனைக்கு அனுப்பி வைத்தனா். அவரது மனைவி கனகவள்ளி கொடுத்த புகாரின்பேரில், வழக்குப் பதிந்து விசாரணை நடத்தி வருகின்றனா்.