திருவையாறு தொகுதியில் திமுக வேட்பாளா் துரை. சந்திரசேகரன் வேட்பு மனு தாக்கல்

தஞ்சாவூா் மாவட்டம், திருவையாறு தொகுதியில் திமுக சாா்பில் எட்டாவது முறையாகப் போட்டியிடும் துரை. சந்திரசேகரன் திங்கள்கிழமை வேட்பு மனு தாக்கல் செய்தாா்.

இவா் கடந்த 1989, 1991, 1996, 2001, 2006, 2016, 2021 ஆகிய 7 சட்டப்பேரவைத் தோ்தல்களில் போட்டியிட்டு, 1991, 2001 தோ்தல்களைத் தவிர மற்ற 5 தோ்தல்களிலும் வெற்றி பெற்றாா். இதைத்தொடா்ந்து, இவா் எட்டாவது முறையாக திருவையாறு தொகுதி வேட்பாளராக அறிவிக்கப்பட்டாா். இவா் திருவையாறு வட்டாட்சியரகத்தில் தோ்தல் நடத்தும் அலுவலா் டி.கே. கண்ணனிடம் திங்கள்கிழமை வேட்பு மனு தாக்கல் செய்தாா்.

இவரின் சொத்துகள் விவரம்: வேட்பு மனுவில் துரை. சந்திரசேகரன் பெயரில் ரொக்கம் கையிருப்பு ரூ. 60 ஆயிரம், அசையும் சொத்துகளின் மதிப்பு ரூ. 1.78 கோடி, அசையா சொத்துகளின் மதிப்பு ரூ. 30 லட்சம், கடன் ரூ. 48.53 லட்சம் என்றும், அவரது மனைவி கண்மணி பெயரில் ரொக்கம் கையிருப்பு ரூ. 25 ஆயிரம், அசையும் சொத்துகளின் மதிப்பு ரூ. 4.68 கோடி, அசையா சொத்துகளின் மதிப்பு ரூ. 7.45 கோடி, கடன் ரூ. 2.02 கோடி எனக் குறிப்பிடப்பட்டுள்ளது.