திருச்சி மாவட்டம், முசிறியில் வாடகை தராத பேரூராட்சி கடைகளின் மின் இணைப்பை துண்டித்து பேரூராட்சி நிர்வாகம் நடவடிக்கை மேற்கொண்டுள்ளது.
முசிறி புதிய பேருந்து நிலையத்தில் சுமார் 20-க்கும் மேற்பட்ட கடைகளை பேரூராட்சி நிர்வாகம் ஒப்பந்த அடிப்படையில் வாடகைக்கு கொடுத்துள்ளது. இந்நிலையில் நீண்ட காலமாக ரூ. 5 லட்சத்திற்கும் அதிகமாக வாடகை தராமல் உள்ள 7 கடைகளை பூட்ட பேரூராட்சி செயல் அலுவலர் நடவடிக்கை எடுத்தார்.
கடை உரிமையாளர்கள் 2 நாட்களில் உரிய வாடகையை பேரூராட்சி அலுவலகத்தில் செலுத்தி விடுவதாக தெரிவித்ததை அடுத்து, முதல்கட்ட நடவடிக்கையாக வாடகை பாக்கியுள்ள 7 கடைகளின் மின் இணைப்பை துண்டித்து, மார்ச் 27-ம் தேதிக்குள் வாடகை செலுத்த வேண்டும் என எச்சரிக்கை விடுக்கப்பட்டுள்ளது.