திருச்சி அண்ணா அறிவியல் மையக் கோளரங்கில் டிசம்பர் 26 ஆம் தேதி முதல் அறிவியல் முகாம் நடைபெற உள்ளது.
இதுகுறித்து இந்த மையத்தின் திட்ட இயக்குநர் இரா.அகிலன் வெளியிட்டுள்ள செய்திக்குறிப்பு:
பள்ளி மாணவர்களுக்காக நடத்தப்படும் குளிர்கால அறிவியல் முகாம் டிசம்பர் 26 முதல் 28 ஆம் தேதி வரை நடைபெறுகிறது. வானவியல்,கணிதம், அறிவியல் செயல்முறை விளக்கம்,காகிதக்கலை,மின்னணுவியல் ஆகிய பிரிவுகளில் வகுப்புகள் நடத்தப்படும்.
6 ஆம் வகுப்பு முதல் பிளஸ் 1 வரையிலான மாணவர்கள் பங்கேற்கலாம். முதலில் வருபவருக்கு முன்னுரிமை வழங்கப்படும். டிச.24 ஆம் தேதிக்குள் பயிற்சிக் கட்டணம் ரூ.450-ஐ செலுத்தி பதிவு செய்து கொள்ளலாம். மேலும் விவரங்களுக்கு 0431-2332190, 2331921 ஆகிய எண்களைத் தொடர்பு கொள்ளலாம்.