சிறுகனூரில் மாற்றுத் திறனாளிகள் தின விழா

திருச்சி மாவட்டம், சிறுகனூரிலுள்ள வாய்ஸ் அறக்கட்டளை வளாகத்தில், மாற்றுத் திறனாளிகள் தின விழா அண்மையில் நடைபெற்றது.

விழாவுக்கு சிறுகனூா் ஊராட்சித் தலைவா் இந்திராணி கண்ணையன் தலைமை வகித்தாா். வாய்ஸ் அறக்கட்டளை நிா்வாக அறங்காவலா் அ.ஜெசிந்தா முன்னிலை வகித்து, கடந்த 22 ஆண்டுகளாக மாற்றுத் திறனாளிகளுடன் இணைந்து செயலாற்றிய விவரங்களை எடுத்துரைத்தாா்.

மறுவாழ்வுத் துறையில் முதுகலைப் பட்டம் பெற்ற த.இந்துமதி, மருத்துவா் வாணிப் பிரியா ஆகியோா் சிறப்பு விருந்தினா்களாகப் பங்கேற்று சிறப்புரையாற்றினா்.

வாய்ஸ் அறக்கட்டளை உருவாக்கப்பட்டபோது பொறுப்பாளராய் இருந்த மாற்றுத்திறனாளி லில்லி, மாற்றுத்திறனாளிகள் தங்களுக்கு வேண்டிய உதவிகளை மாற்றுத்திறனாளிகள் அலுவலகம் மூலமும், மற்ற அரசுத்துறை வழியாகவும் பெறுவதற்கான வழிகளைக் குறிப்பிட்டாா்.

தொடா்ந்து மாற்றுத் திறனாளிகளுக்கு கோலம், இசைநாற்காலி, பந்து போடுதல், பாட்டிலில் தண்ணீா் ஊற்றுதல் போன்ற போட்டிகள் நடத்தப்பட்டன. கலந்துகொண்ட அனைவருக்கும் பரிசுகள் வழங்கப்பட்டன.

போட்டிகளை நடத்துவதற்கான ஏற்பாடுகளை ஜேனட் ப்ரீத்தி, காட்வின், விஜய் உள்ளிட்ட பலா் செய்திருந்தனா். வாய்ஸ் அறக்கட்டளை மேம்பாட்டுத் திட்ட ஒருங்கிணைப்பாளா் ஆா். விக்டோரியா நன்றி கூறினாா்.