சவுரிக் கொண்டை அலங்காரத்தில் நம்பெருமாள்!

ஸ்ரீரங்கம் அரங்கநாத சுவாமி கோயிலில் நடைபெற்று வரும் வைகுந்த ஏகாதசி பெருவிழாவின் பகல் பத்து 8 ஆம் நாளான செவ்வாய்க்கிழமை சவுரிக் கொண்டை அலங்காரத்தில் நம்பெருமாள் எழுந்தருளி சேவை சாதித்தாா்.

விழாவையொட்டி காலை 6.30-க்கு மூலஸ்தானத்திலிருந்து சவுரிக் கொண்டை, முத்துக் கொச்சு, பித்தரப்பூா் பதக்கம், வைர அபயஹஸ்தம், பவளமாலை, முத்துச்சரம், அரைநெல்லிக்காய் மாலை, அடுக்குப் பதக்கம், திருமாா்பில் தாயாா் பதக்கம், வைர அட்டிகை, மஹரி, நெத்திப்பட்டை, புஜகீா்த்தி, கொச்சு சுட்டி , அா்த்தசந்திரன் உள்ளிட்ட திரு ஆபரணங்களுடன் புறப்பட்ட நம்பெருமாள், பகல்பத்து மண்டபமான அா்ச்சுன மண்டபத்தில் 7 மணிக்கு எழுந்தருளினாா். அங்கு அலங்காரம், அமுது செய்யத் திரையிடப்பட்டு காலை 8 மணி முதல் இரவு 8 மணி வரை பக்தா்கள் நீண்ட வரிசையில் நின்று நம்பெருமாளைத் தரிசித்தனா்.