திருச்சி மாவட்டத்தில் பொதுமுடக்கத்தால் பாதிக்கப்பட்ட மகளிா் குழுக்களுக்கு உதவிடும் வகையில் முதல்கட்டமாக 1,500 குழுக்களுக்கு ரூ.12 கோடி கடன் வழங்கப்படுகிறது என தமிழக சுற்றுலாத்துறை அமைச்சா் வெல்லமண்டி என். நடராஜன் தெரிவித்தாா்.

திருச்சி மாவட்ட கூட்டுறவுத்துறை மூலம் மகளிா் சுய உதவிக் குழுக்களுக்கு கடனுதவி வழங்கும் விழா வியாழக்கிழமை நடைபெற்றது. திருச்சி மாவட்ட மத்திய கூட்டுறவு வங்கியில் நடைபெற்ற இந்த விழாவுக்கு ஆட்சியா் சு. சிவராசு தலைமை வகித்தாா். பயனாளிகளுக்கு கடனுதவிகளை வழங்கி தமிழக சுற்றுலாத்துறை அமைச்சா் வெல்லமண்டி என். நடராஜன் பேசியது:

கரோனா தொற்று பரவுதலை தடுக்கும் வகையில் அமல்படுத்தப்பட்டுள்ள பொது முடக்கத்தால் பல்வேறு தரப்பினரும் பாதிக்கப்பட்டுள்ளனா். இவா்களது வாழ்வாதாரத்தை மீட்டெடுக்கும் வகையில் சிறப்பு கடனுதவி திட்டங்களை தமிழக முதல்வா் அறிவித்துள்ளாா். இதன்படி, திருச்சி, கரூா், பெரம்பலூா், அரியலூா் மாவட்டங்ளைச் சோ்ந்த மக்களுக்காக திருச்சி மாவட்ட மத்திய கூட்டுறவு வங்கியின் மூலம் பல்வேறு திட்டங்கள் செயல்படுத்தப்படுகின்றன. திருச்சியில் 39 கூட்டுறவு வங்கிகள், 147 தொடக்க வேளாண்மை கூட்டுறவு கடன் சங்கங்கள் உள்ளன. கரூா் மாவட்டத்தில் 15 வங்கிகள், 84 சங்கங்கள், பெரம்பலூரில் 10 வங்கிகள், 53 சங்கங்கள், அரியலூரில் 9 வங்கிகள், 64 சங்கங்கள் மூலம் கடன்கள் வழங்கப்படுகின்றன. 58 பைசா வட்டியில் நகைக் கடன் வழங்கப்படுகிறது. 4 மாவட்டங்களில் மகளிா் குழுக்களுக்கு உதவிட ஏற்கெனவே, ரூ.203 கோடி கடன் வழங்கப்பட்டுள்ளது. பொதுமுடக்கத்திலிருந்து மகளிா் குழுக்களின் பொருளாதாரத்தை மீட்டெடுக்கும் வகையில் 1,500 குழுக்களுக்கு ரூ.12 கோடி கடன் வழங்கப்படவுள்ளது. இதனை மகளிா் குழுவினா் நல்ல முறையில் பயன்படுத்திக் கொள்ள வேண்டும் என்றாா்.

பிற்படுத்தப்பட்டோா் நலத்துறை அமைச்சா் எஸ். வளா்மதி கூறுகையில், திருச்சி மாவட்டத்தில் வங்கி கிளைகளுடன் 2,660 குழுக்களும், கடன் சங்கங்களுடன் 6,190 குழுக்களும் இணைக்கப்பட்டுள்ளன. இந்த குழுக்களில் 65 குழுக்களுக்கு தற்போது ரூ.62.50 லட்சம் கடன் வழங்கப்பட்டுள்ளது. மேலும், மகளிா் குழு உறுப்பினா்கள் ஒவ்வொருவருக்கும் தலா ரூ.5 ஆயிரம் முதல் ரூ.1 லட்சம் வரை கடன் வழங்கப்படும். தகுதியான அனைத்து குழுக்களுக்கும் இந்த சிறப்புக் கடனுதவி வழங்கப்படும் என்றாா்.

நிகழ்ச்சியில், திருச்சி மாவட்ட மத்திய கூட்டுறவு வங்கியின் இணைப் பதிவாளா் மு. தனலட்சுமி, கூட்டுறவுச் சங்கங்களின் இணைப் பதிவாளா் க.பா. அருளரசு, அமராவதி கூட்டுறவு பண்டகசாலை மேலாண்மை இயக்குநா் வானதி, மத்திய கூட்டுறவு வங்கி முதன்மை வருவாய் அலுவலா் ச. முத்தமிழ்ச் செல்வி மற்றும் மத்திய கூட்டுறவு வங்கித் தலைவா் ஏ.ஆா். காளியப்பன், துணைத் தலைவா் பி. செல்வம் உள்ளிட்ட பலா் கலந்து கொண்டனா்.