திருச்சி மாவட்டத்தில் பட்டாசு கடை வைக்க விண்ணப்பிக்க புதன்கிழமை கடைசி நாளாகும்.

திருச்சி மாவட்டத்தில் தீபாவளியை முன்னிட்டு புதிய தற்காலிக பட்டாசு சில்லறை வணிகம் செய்யவும், இருப்பு வைக்கவும் உரிமம் கோரும் விண்ணப்பங்களை இ-சேவை மையங்கள் மூலமே விண்ணப்பிக்க வேண்டும்.

வெடிமருந்து சட்டம் மற்றும் விதிகள் 2008ஆம் ஆண்டுக்குள்பட்டு, உரிய ஆவணங்களுடன் புதன்கிழமைக்குள் விண்ணப்பிக்க வேண்டும். நவ.4-க்கு பிறகு வரும் விண்ணப்பங்கள் ஏற்கப்படாது. இந்த வாய்ப்பை பட்டாசு சில்லறை வணிகம் செய்வோா் பயன்படுத்திக் கொள்ள வேண்டும் என்றாா் ஆட்சியா்.