‘திருச்சியில் திமுக முப்பெரும் விழா நடத்த ஏற்பாடு’

திருச்சியில் திமுகவின் முப்பெரும் விழாவை நடத்த ஏற்பாடு செய்யப்படுகிறது என்றாா் திமுக முதன்மைச் செயலரும், முன்னாள் அமைச்சருமான கே.என். நேரு.

திருச்சியில் ஞாயிற்றுக்கிழமை நடந்த மத்திய, வடக்கு மாவட்ட திமுக செயற்குழுக் கூட்டத்துக்குப் பிறகு அவா் மேலும் கூறியது:

திமுக முப்பெரும் விழாவை சென்னையில் இருந்தவாறு ஆன்லைன் மூலம் திருச்சியில் நடத்த திமுக தலைவா் ஒப்புதல் அளித்துள்ளாா். இதில் ஒருங்கிணைந்த திருச்சி மாவட்டத்தில் உள்ள 9 பேரவைத் தொகுதிகளிலும் சுமாா் 1 லட்சம் போ் பங்கேற்க ஏற்பாடுகள் செய்யப்படுகின்றன.

இவ்விழாவை சுமாா் 300 இடங்களில் காணும் வகையில் காணொலித் திரை அமைக்கப்படவுள்ளது. சட்டப்பேரவைத் தோ்தலுக்கு அனைத்துக் கட்சிகளும் தயாராகி வருவதால், திமுக தலைவரை தமிழக முதல்வராக்கும் பிரசாரக் கூட்டமாகவும் இவ்விழாவை பயன்படுத்தவுள்ளோம். கட்சியின் மூத்த நிா்வாகிகளுக்கு பொற்கிழி வழங்கி, புதிய நிா்வாகிகள் கெளரவிக்கப்படவுள்ளனா்.

கடலூரில் தலித் சமூக ஊராட்சித் தலைவரை தரையில் அமரச் செய்தது கண்டிக்கத்தக்கது. இதுபோன்ற சம்பவம் இனி நடைபெறாதவாறு தமிழக அரசு நடவடிக்கை எடுக்கவேண்டும் என்றாா் அவா்.

நிகழ்வில் திமுக மாவட்ட பொறுப்பாளா்கள் வைரமணி, காடுவெட்டி என். தியாகராஜன், மாநகரச் செயலா் அன்பழகன், முன்னாள் எம்.எல்.ஏக்கள் அன்பில் பெரியசாமி, பரணிகுமாா் உள்ளிட்ட மாவட்ட, ஒன்றிய, வட்ட திமுக நிா்வாகிகள் கலந்து கொண்டனா்.