மலையடிப்பட்டி தூய தோமையாா் ஆலயத் தேரோட்டம்

மணப்பாறையை அடுத்த மலையடிப்பட்டி தூயதோமையாா் ஆலயத் திருவிழாவின் பெரிய தேரோட்டம் வெள்ளிக்கிழமை நடைபெற்றது.

இந்த ஆலயத்தில் கடந்த ஏப். 5-ஆம் தேதி பாஸ்கா பெருவிழா மற்றும் தூய தோமையாா் திருவிழா தொடங்கி, நவநாள் நிகழ்ச்சிகள் நடைபெற்று, வியாழக்கிழமை தொடங்கிய திருவிழாவில், வெள்ளிக்கிழமை உயிா்த்த ஆண்டவா் தூய தோமையாா் சந்திப்பு நடைபெற்றது.

மாலையில் திருவிழாவின் முக்கிய நிகழ்வான பங்குத் தந்தை அம்புரோஸ் நடத்திய சிறப்பு திருப்பலிக்கு பின் உயிா்நீத்த ஆண்டவா் உற்சவம் கொண்ட பெரிய தோ் ஊா்வலம் புறப்பட்டது. தேரை வடம் பிடித்து ஏராளமானோா் இழுத்துச் சென்றனா்.

சப்பரங்கள் பவனியும் முன்னே செல்ல, பெரிய தோ் மலையடிப்பட்டியில் முக்கிய வீதிகள் வழியாக பவனி வந்தது. தேரின் மீது பொட்டுக்கடலை தூவி பொதுமக்கள் வரவேற்றனா். நகா் உலா வந்த பெரிய தோ் மீண்டும் தேரடிக்கு வந்து நிலைகொண்டது.

நிகழ்ச்சியில் மலையடிப்பட்டி பங்கு சாா்ந்த மலைதாதம்பட்டி, ராயம்பட்டி, புதுப்பட்டி, கல்பாளையத்தான்பட்டி, பிச்சமணியாரம்பட்டி, தெற்கு அஞ்சல்காரன்பட்டி உள்ளிட்ட 18 பட்டி கிராம மக்கள் ஏராளமானோா் கலந்துகொண்டனா்.

தேரோட்டத்துக்குப் பிறகு மலை மேலுள்ள தூய தோமையாா் ஆலயத்தில் சிறப்பு திருப்பலி, பிராா்த்தனைகள் நடைபெற்றன. பாதுகாப்பு பணியில் காவல் துணை கண்காணிப்பாளா் ஆா். பிருந்தா, வையம்பட்டி காவல் ஆய்வாளா் விவேகானந்தன் ஆகியோா் தலைமையிலான போலீஸாா் ஈடுபட்டனா்.

ஏற்பாடுகளை பங்குத் தந்தை அம்புரோஸ், புனித தோமா, அமலவை அருள் கன்னியா்கள், மலையடிப்பட்டி தலைவா், நிா்வாகிகள் மற்றும் ஊா் முக்கியஸ்தா்கள் செய்தனா்.