மாநகரில் ரூ. 2.30 லட்சம் அபராதம் வசூல்

திருச்சி மாநகரில் கரோனா தடுப்பு விதிகளை மீறிய வகையில் வெள்ளிக்கிழமை ரூ. 2.30 லட்சம் அபராதம் வசூலிக்கப்பட்டுள்ளது.

மாநகர காவல் ஆணையா் உத்தரவுபடி வெள்ளிக்கிழமை முகக்கவசமின்றி சுற்றித் திரிந்த 1000- க்கும் மேற்பட்டோா் மீது வழக்குப் பதியப்பட்டு சுமாா் ரூ.2.30 லட்சம் அபராதம் வசூலிக்கப்பட்டது. சமூக இடைவெளி கடைப்பிடிக்காதோா் மீது 69 வழக்குகள் பதியப்பட்டு ரூ. 34,500-ம், வழிகாட்டு நெறிமுறைகளை மீறி செயல்பட்ட 3 வணிக வளாகங்களுக்கு ரூ. 15,000 அபராதமும் வசூலிக்கப்பட்டது.