திருச்சியில் பல்வேறு வழக்குகளில் தொடா்புடைய இளைஞா், குண்டா் தடுப்புக் காவல் சட்டத்தின் கீழ் கைது செய்யப்பட்டாா்.

திருச்சி பிரிஸ்ட்ன் பத்ரி தெருவைச் சோ்ந்தவா் சக்திவேல். இவா் ஜனவரி 23- ஆம் தேதி சத்திரம் பேருந்து நிலையம் பெரியசாமி டவா் அருகே நின்று கொண்டிருந்தாா்.

அப்போது சங்கரன் பிள்ளை சாலையைச் சோ்ந்த பிராங்ளின் நிக்சன்ராஜ் (25), சக்திவேலிடம் கத்தியைக் காட்டி மிரட்டி ரூ.650 -வழிப்பறி செய்தாா். புகாரின் பேரில் கோட்டை காவல் நிலையத்தினா் பிராங்ளின் நிக்சன்ராஜை கைது செய்தனா்.

இவா் மீது கண்டோன்மென்ட், கோட்டை, காந்தி சந்தை குற்றப்பிரிவு காவல் நிலையங்களில் வழக்குகள் நிலுவையில் இருப்பது தெரிய வந்தது.

இதையடுத்து தொடா் குற்றச் செயல்களில் ஈடுபடாமல் இருக்க, காவல் ஆய்வாளரின் பரிந்துரையின்பேரில் பிராங்ளின் நிக்சன்ராஜை குண்டா் தடுப்புக் காவல் சட்டத்தின் கீழ் கைது செய்வதற்கான உத்தரவை மாநகரக் காவல் ஆணையா் ஜெ.லோகநாதன் செவ்வாய்க்கிழமை பிறப்பித்தாா்.

இதைத் தொடா்ந்து சிறையிலுள்ள அவரிடம் உத்தரவின் நகல் வழங்கப்பட்டது.