நீட் தோ்வு விவகாரத்தில் மாணவா்களைக் குழப்பக் கூடாது

நீட் தோ்வு விவகாரத்தில் மாணவா்களைக் குழப்பக் கூடாது என்றாா் தமாகா தலைவா் ஜி.கே. வாசன்.

திருச்சியில் வியாழக்கிழமை நடைபெற்ற கட்சியின் டெல்டா மாவட்ட, மாநில நிா்வாகிகளுடனான கலந்தாய்வுக் கூட்டத்தில் பங்கேற்ற அவா் கூறியது:

பேரவைத் தோ்தலுக்குப் பிறகு கட்சியைப் பலப்படுத்தி வருகிறேன். பேரவைத் தோ்தலில் தமாகாவுக்கு சைக்கிள் சின்னம் கிடைக்காதது, அதிமுக கூட்டணியில் கேட்ட தொகுதிகள், இடங்கள் கிடைக்காதது தோல்விக்கு முக்கிய காரணங்களாக அமைந்துவிட்டன.

கூட்டணி தா்மத்தைக் கடைப்பிடித்து வெற்றி-தோல்வியை கூட்டணியில் இருக்கும் அனைத்துக் கட்சிகளுமே ஏற்க வேண்டும் என்பதே தமாகாவின் நிலைப்பாடு.

பெட்ரோல், டீசல் விலை உயா்வைக் குறைக்க மத்திய, மாநில அரசுகள் இணைந்து நடவடிக்கை எடுக்க வேண்டும். மாநிலங்களுக்கு தடுப்பூசி வழங்குவதில் மத்திய அரசு பாரபட்சம் காட்டவில்லை; காட்டவும் கூடாது.

நீட் தோ்வில் அரசியலைப் புகுத்தி மாணவா்களைக் குழப்ப வேண்டாம். மாணவா்கள் நீட் தோ்வுக்குத் தயாராக இருக்கிறாா்கள். அவா்கள் குழப்பம் அடையாமல் தயாராக வேண்டும். நீட் தோ்வை ரத்து செய்யும் முடிவு யாா் கையிலும் இல்லை; அது நீதிமன்றத்தின் முடிவில்தான் உள்ளது. எனவே, நீட் தோ்வு விவகாரத்தில் யாரும் அரசியல் செய்து மாணவா்களைக் குழப்ப வேண்டாம் என்றாா் அவா்.

நிகழ்வில் திருச்சி மாவட்டத் தலைவா்கள் கே.வி.ஜி. ரவீந்திரன், குணா மற்றும் டெல்டா மாவட்ட நிா்வாகிகள் கலந்து கொண்டனா்.